惠代购(Hdaigou.Cn),
轻松实惠做代购

香港购物5款大热水感粉底液评测 附报价

恰似爽肤水那样水润的粉底液你用过吗?很多知名化妆品牌都出了这类产品!可以说这是现在最hit最不可以不试的liquid foundation!不要以为这些粉底液那么水就没有遮瑕度,小编发现用了不仅仅肤色够均匀,还又保湿又轻身,超合适春夏天潮湿气候之下用!

今天小编带大家一起看看这5款大热粉底液,快快长草吧!

  IPSA Liquid Light Foundation HK$ 340/25ml

包装设计十足支防晒咁,细细支拎出街带去旅行都得。上个月先岩岩新出嘅呢款「原透光轻柔粉底液」卖点系利用光源科技提升肌肤剔透光感,涂开真系超级透薄且遮瑕度适中,完妆效果semi-matt,有啲光泽得嚟又唔会「乾争争」,总共有6个色调拣,不过小编就嫌#102号色太黄,想有白淨韩妆效果嘅请跳过此色号。

遮瑕度:★★☆☆☆

完妆感:★★★☆☆

价 钱:★★★☆☆

  Bareminerals Bareskin Pure Brightening Serum Foundation HK$280/30ml

上年9月出嘅呢支「矿物面膜粉底液」系品牌首推嘅护肤粉底,成份方面真系冇得输,无水、无油、无 Parabens 防腐剂、无香料,亦无硅氧树脂。咁点解无水都可以咁「水感」?因为用左近年美容界备受关注的椰子的萃取物代替,仲话唔会俾水分稀释粉底入面嘅丰富护肤养份咁话。

天然矿物搭配滋养成份令上左妆好似敷住块面膜咁,听落有啲夸张不过保湿度又真系唔错,搽完皮肤好有光泽。遮瑕度原本已经唔错,但想coverage再劲啲可以配合返支专用粉底扫。

遮瑕度:★★★★☆

完妆感:★★★★☆

价 钱:★★★★☆

  MAKE UP FOREVER Face & Body Liquid Make-up HK$200/50ml

品牌多年前已经出左呢支水状粉底液,劲有先见之明!含水量高达80%,系咁多支之中最水感最清爽,推开时简直觉得好似搽紧toner咁,好舒服!话明face & body即系推介你用埋上身,又真系一啲都唔笠,羊负担都冇。

均匀肤色效果都唔错,但唔好expect咁薄可以帮你遮实深色瑕疵啦!重点系用后好似冇化妆咁自然舒服,但望落又滑左精神左,好岩劲怕焗住块面嘅朋友,同埋唔系好受得住上粉但又贪靓嘅男仔!

遮瑕度:★★☆☆☆

完妆感:★★★☆☆

价 钱:★★★★★

  NARS All Day Luminous Weightless Foundation HK$460/30ml

上次同大家比拼遮瑕膏NARS真系赢晒咁济,令小编对品牌嘅好感度大增。今次佢都同样系coverage方面最出色,不过如果要斗清爽同水感就唔够劲喇,而且价钱都系一贯偏贵。上粉之后小编觉得要再上碎粉先可以令底妆keep得好啲,如果本身瑕疵比较多又想试试水感粉底嘅朋友就可以拣呢款。

遮瑕度:★★★★★

完妆感:★★★☆☆

价 钱:★★☆☆☆

  YSL Le Teint Encre De Peau HK$550/25ml

虽然有网民批评用支棍仔拎粉底出嚟又唔卫生又剩,但小编认为冇羊问题,仲觉得包装设计好有心思!因为拎出嚟嘅粉量真系岩岩好架!有时个妆够唔够贴服持久就喺争果少少用量问题,所以,真心讚!遮瑕度唔错,妆效又自然,重点系搽完之后块面真系好滑,好滑,好滑,好滑呀!唔驶再上碎粉都得,忍唔住讲多次,真系好滑!不过小编唔可以显得咁偏心架,大家自己去专柜试试再决定啦!

遮瑕度:★★★★☆

完妆感:★★★★★

价 钱:★☆☆☆☆

赞(0)
惠代购(Hdaigou.Cn)遵循行业规范,任何转载的稿件都会明确标注作者和来源;惠代购的原创文章,请转载时务必注明文章来源惠代购 » 香港购物5款大热水感粉底液评测 附报价
分享到: 更多 (0)

评论 抢沙发

  • 昵称 (必填)
  • 邮箱 (必填)
  • 网址